میں خواب بہت دیکھتا ہوں ایسے خواب جن میں کوئی دکھ نہ ہو ۔ ۔|

Top 10 Heart Touching Short Stories in

Urdu Hindi by danishwar log

میں خواب بہت دیکھتا ھوں ۔۔۔

میں خواب بہت دیکھتا ہوں ایسے خواب جن میں کوئی دکھ نہ ہو ۔  ۔| 

میں خواب بہت دیکھتا ہوں۔۔

ایسے خواب ۔۔۔

جن میں کوئی دُکھ ، کوئی پریشانی نہیں ھوتی ۔۔۔

جن میں وصل کے رستے ، ہجر کی وادی سے ھو کر نہیں گزرتے ۔۔۔

جن میں محبت ہمیشہ ادھ کھلے پھول کی طرح خوبصورت

اور بچے کی مسکان کی طرح پاکیزہ ھوتی ھے ۔۔۔

ایسے خواب ۔۔۔

جہاں ایک مسکراھٹ کی قیمت ہزار آنسو نہیں ھوتے ۔۔۔

میری پلکوں کی شاخوں پر کئی ایسے خواب بیٹھے رھتے ھیں ۔۔۔

اُن کی گنگناھٹ مجھے جینے پہ اکساتی ھے ۔۔۔

نئے راستوں کی اور لے کر چلتی ھے ۔۔۔

نئی منزلوں کا پتا بتاتی ھے ۔۔۔

مجھے اپنے خوابوں سے محبت ھے ۔۔۔

اُن خوابوں میں رھنے والے ایک ایک شخص سے محبت ھے ۔۔۔

اُن خوابوں میں دِکھنے والی ایک ایک شئے سے محبت ھے ۔۔۔

کہ یہ سب میرا ھے ، صرف میرا ۔۔۔

میرے خواب ، میرے علاوہ کوئی نہیں دیکھ سکتا ۔۔۔

جب تک کہ میں نہ انہیں دکھانا چاھوں ۔۔۔

کوئی انہیں میری آنکھوں سے چُرا نہیں سکتا ۔۔۔

جب تک کہ میں خود نہ کسی کی آنکھوں میں سجا دوں ۔۔۔

میرے خوابو ۔۔۔

آج میں یہ اقرار کرتا ھوں ۔۔۔

کہ میں تم میں زندہ ھوں ۔۔۔

یہ سچ ھے کہ مجھے اِن آنسوؤں سے ڈر نہیں لگتا ۔۔۔

مگر پھر بھی میں شائد اِس لیئے رونے سے ڈرتا ھوں ۔۔۔

کہ اِن آنکھوں میں تم رھتے ھو ۔۔۔

تمہارا ھونا میرا ھونا ھے ۔۔۔

اور میں تمھیں کھونے سے ڈرتا ھوں 

***

میں خواب بہت دیکھتا ہوں ایسے خواب جن میں کوئی دکھ نہ ہو ۔  ۔|